Hola neñes y neños. Esta selmana Xipla traivos una tarea mui interesante. Vamos facer un diccionariu ilustráu de Llingua Asturiana propiu. Lo primero que nos fai falta ye alcordanos del abecedariu. ¿Daisvos cuenta de cuáles yeren les lletres del alfabetu asturianu?
Darréu tenéis una llista de les lletres que formen la base del sistema escritu na nuesa llingua:
Darréu tenéis una llista de les lletres que formen la base del sistema escritu na nuesa llingua:
- Pa entamar vais facer una portada. Nuna fueya escribíi en grande y con colores: el títulu El mio primer diccionariu de Llingua Asturiana; el vuesu nome ; el cursu y la vuesa escuela.
- Llueu vais dir buscando una pallabra por cada lletra. Pa ello podéis emplegar estos diccionarios:
- Pa finar, dempués d´escoyer les pallabres, n´otra fueya vais facer una tabla con 4 columnes asemeyada a ésta (cola pallabra, la so definición n´asturianu y un dibuxu):
Vocabulariu de Cangas del Narcea:
DALLA
DGLA (emplega les grafíes l.l y h.)
Atendéi:
- Les neñes y los neños de primeru, segundu y terceru nun tenéis que facer la tercer columna de la tabla (Definición).
- Esta selmana vamos facer 13 lletres, de la A a la M. La próxima selmana fadremos les demás.
🐝 Paula (de La Riela) alcordóse de Xipla el miércoles pasáu. Y ye qu´esi día, 20 de mayu, ye´l día mundial de les abeyes. Asina que pa celebralu, Xipla y yo ficímosvos dos xuegos voluntarios pa que vos entretengáis, cuando finéis la xera d´esta selmana. Gracies Paula 😉
Rompecabeces: Les collacies de Xipla
Ruleta de pasapallabra: Les plantes y los vexetales
Esti diccionariu d´esta xera 8 tenéis que lu facer en papel. Sacái una foto y apurríime les fotos al corréu llinguaencasa@gmail.com o al chat de Teams.
Xipla quier recordavos que tovía hai compañeros y compañeres con xeres ensin facer. Nel canal de llingua en Teams podéis comprobar si tenéis tarees pendientes nel rexistru d´actividaes.
Que vos preste la xera reciella.
¡Bona selmana!
No hay comentarios:
Publicar un comentario